"Арсенал" ва Габриэль Мартинелли маошларини ошириш бўйича музокара ўтказмоқда.
Томонлар янги шартнома имзолаш масаласини муҳокама қилишмоқда, унга кўра бразилиялик ҳафтасига ҳозирги 50 минг фунтдан икки баравар кўп маош олади, деб хабар беради The Times.
21 ёшли футболчининг ўзи янги шартнома имзолашдан манфаатдор: "Албатта, қолишни хоҳлайман. Биз гаплашамиз, нима бўлишини кўрамиз. Лекин мен қолишни истайман."
Жорий мавсумда Премьер-лиганинг 9 ўйинида Мартинелли 4 та гол урди ва 2 та голли узатмани амалга оширди.
