"Arsenal" va Gabriel Martinelli maoshlarini oshirish bo‘yicha muzokara o‘tkazmoqda.

Tomonlar yangi shartnoma imzolash masalasini muhokama qilishmoqda, unga ko‘ra braziliyalik haftasiga hozirgi 50 ming funtdan ikki baravar ko‘p maosh oladi, deb xabar beradi The Times.

21 yoshli futbolchining o‘zi yangi shartnoma imzolashdan manfaatdor: "Albatta, qolishni xohlayman. Biz gaplashamiz, nima bo‘lishini ko‘ramiz. Lekin men qolishni istayman."

Joriy mavsumda Premyer-liganing 9 o‘yinida Martinelli 4 ta gol urdi va 2 ta golli uzatmani amalga oshirdi.