"Тоттенҳем" бош мураббийи Андре Виллаш-Боаш  "Челси" хўжайини Роман Абрамович уни лавозимидан озод этган пайтда ўзи норози бўлганлигини айтди.

34 ёшли мутахассиснинг айтишича "кўклар"га бош мураббий этиб тайинлангач, абрамовия уни қийин вазиятда қолдирган.

Эслатиб ўтамиз, Виллаў-Боаш ўтган ҳафтада Ҳарри Реднапп ўрнига "Тоттенҳем" бош мураббийлиги курсисига ўтирган эди. Португалиялик мутахассис уч йилга шартнома имзолаган.

- Абрамовичнинг қарорини ҳурмат қиламан, аммо ҳеч қачон қабул қилмайман. "Челси"га таклиф этган пайти менга жуда қизиққан бўлсада, мени қийин вақтларда қўлламаганини унга айтдим. У менга берган ваъдалари устидан чиқмади.

Мени истеъфога чиқарганларидан сўнг жамоа иккита совринни ютди. Ҳамма жамоанинг ажойиб таркибга эга эканлигини гапирмоқда, бошида эса ҳеч ким бунга ишонмаган эди.

Бу воқеа мен учун катта сабоқ бўлди ва қайсидир маънода хурсандман ҳам. Чунки бу менинг яхши мураббий ва инсон сифатида шаклланишимга ёрдам беради.Бу менинг қарорим эмас эди ва "Челси" бу совринларни ютиши мумкин эди, чунки жамоа бу мусобақаларни ҳали тарк этмаган эди, - дейди Виллаш-Боаш.