Хави Чемпионлар лигаси доирасидаги "Барселона" - "Интер" учрашуви натижалари ҳақида гапирди.

Гуруҳ босқичининг 4-туридан ўрин олган ўйин 3:3 ҳисобида якунланди.

“Салбий натижа. Бу Чемпионлар Лигаси биз учун шафқатсиз ўтмоқда. Иккинчи бўлимда кўп хатоларга йўл қўйдик.

Чемпионлар лигасидаги биз учун қийин ўйинлар Мюнхенда бошланиб, кейин Миланда давом этди. Биринчи бўлимда қандай ўйнаган бўлсак, шундай ўйнашда давом этишимиз керак эди.

Энди вазият ўзимизга боғлиқ эмас. Вазият жуда қийин.

Футбол - бу хатолар ўйини. Биринчи бўлимда гол ўтказиб юбормадик, танаффусда хурсанд бўлдик, аммо кейин ҳимоядаги хатолар учун қимматга тушди. Бу ўйин бизга қимматга тушди. Эртадан бошлаб Ла Лига ҳақида ўйлаймиз. Бу - уят”, - деди Каталония клуби бош мураббийи.

Қўшимча қиламизки, "Барселона" Хави қўл остида Чемпионлар Лигасида ўтказилган 6 учрашувнинг 1 тасида ғалаба қозонган.