"Эвертон" бош мураббийи Фрэнк Лэмпард ярим ҳимоячи Алекс Ивоби билан шартномани узайтириш борасидаги музокаралар ҳақида гапирди.
“Бизнинг директоримиз Кевин Телвелл Алекс вакиллари билан янги шартномани муҳокама қилаётганини биламан. Кўрамиз, томонлар нимага келишади", - дея Лэмпарднинг сўзларини келтиради Sky Sports.
Ивоби "Арсенал"дан "Эвертон"га 2019 йилнинг август ойида келиб қўшилган эди, 26 ёшли нигерияликнинг амалдаги шартномаси 2024 йилнинг июнь ойи охиригача амал қилади.
Футболчи 2022/23 йилги мавсумда жамоаси сафида 10 та ўйинда майдонга тушиб, 1 та гол урди ва 4 та голли узатмани амалга оширди.
