Кипрнинг "Омония" клуби бош мураббийи Нил Леннон жамоасининг "Олд Траффорд"даги мағлубияти ҳақида фикр билдирди.
Кипрликлар "Манчестер Юнайтед" билан ўйинда 93-дақиқагача - Скотт МакТоминай ягона голни киритгунга қадар ўйинда қаршилик кўрсатишди.
"Мен ўз жамоам билан жуда фахрланаман. Фрэнсис Узохо ("Омония" дарвозабони) ажойиб, илҳомлантирувчи ўйин кўрсатди. Дарвозабоннинг сейвлари бундай даражадаги рақибларга қарши курашда муҳим аҳамиятга эга ва бизнинг посбонимиз бугун жаҳон даражасида ўзини намоён қилди. У учун жуда хурсандман.
"Омония" тарихидаги энг яхши натижалардан бирига саноқли дақиқалар қолган эди. Баъзида тўп билан муомала қилишимиз менга ёқмади, лекин ўз жарима майдончамиз ичидаги ўйинимиздан хурсандман", - деди шимолий ирландиялик мутахассис.
