Кипрнинг "Омония" жамоаси дарвозабони Фрэнсис Узохо орзуси рўёбга чиққани ҳақида гапирди.
23 ёшли дарвозабон "қизил иблислар"нинг 11 та зарбасини қайтарган ҳолда "Манчестер Юнайтед"ни ғалабадан деярли маҳрум қилди, бироқ 93-дақиқада Скотт МакТоминайнинг зарбасидан сўнг тўп барибир дарвозадан жой олди - 1:0.
"Ҳа, мен "Манчестер Юнайтед" мухлисиман, "Олд Траффорд"да ўйнашни анчадан бери орзу қилардим. Қуръа натижаларини кўриб, ниҳоят орзумни амалга оширишим мумкинлигини дарҳол англадим ва муваффақиятга эришганимдан жуда хурсандман.
Мен жамоадошларим билан фахрланаман - биз охиригача курашиб, ажойиб ўйин кўрсатдик. Мен ўз фаолиятимдан мамнунман” - деди 23 ёшли Фрэнсис Узохо BT Sport билан суҳбатда.
