Журналист Кристиан Фалькнинг хабар беришича, "Челси" "Лейпциг" ярим ҳимоячиси Конрад Лаймерга қизиқиш билдирмоқда.
Олдинроқ, келаси ёзда немис клубини текинга тарк этиши мумкин бўлган 25 ёшли австриялик футболчининг хизматларига "Бавария" ва "Ливерпуль" ҳам қизиқиш билдираётгани хабар қилинганди.
Жорий мавсумда ярим ҳимоячи ҳозирги жамоаси таркибида олтита ўйин ўтказиб, самарали ҳаракатларини амалга ошира олмади. Transfermarkt портали Австрия терма жамоаси футболчисини 28 миллион еврога баҳоламоқда.
Эслатиб ўтамиз, ҳужумчи Кристофер Нкунку ва ҳимоячи Йошко Гвардиол ҳам "Лейпциг"дан "Челси"га ўтиши мумкин. Бундан ташқари, Лондон клуби раҳбарияти Дортмунднинг “Боруссия” клубининг 19 ёшли ярим ҳимоячиси Жуд Беллингем атрофидаги вазиятни диққат билан кузатиб бормоқда.
