Лионель Месси Франция чемпионати доирасида "Марсел"га қарши бўлиб ўтадиган ўйин олдидан "ПСЖ" клуби сафидаги машғулотларни бошлади. Бу ҳақда журналист Адриен Гренье ижтимоий тармоқларда хабар берди.
Эслатиб ўтамиз, аргентиналик футболчи аввалроқ Чемпионлар лигаси доирасида Лиссабоннинг "Бенфика" жамоасига қарши ўйинда жароҳат олганди. Ушбу жароҳат Мессининг иккита ўйинни ўтказиб юборишига сабаб бўлди.
Месси жорий мавсумда 5 та гол урди ва 7 та голли узатмани амалга оширди. Кейинги ёзда футболчининг 2021 йилнинг ёзидан буён ўйнаб келаётган "ПСЖ" билан шартномаси тугайди. Катта эҳтимол билан Лионель келажакда "Барселона"га қайтиши мумкин.
