Англия чемпионатининг ўн биринчи тури “Брентфорд” – “Брайтон” учрашуви билан бошланди ва унда Томас Франк шогирдлари Айван Тоунининг иккита голи эвазига ғалаба қозонишди. Бу “Брайтон”нинг янги устози, италиялик таниқли мутахассис Роберто де Дзерби учун учинчи ўйин бўлди, бироқ, у ҳозирча битта ҳам ўйинда ғалаба қозона олмади.
Маълум бўлишича, де Дзерби 1987 йилдан бери клуб бошқарувидаги дастлабки учта ўйиннинг биттасида ҳам ғалаба қозона олмаган биринчи "Брайтон" мураббийига айланди. Ўшанда Барри Ллойд ўз ишини худди шундай муваффақиятсиз бошлади - лекин якунда у жамоани олти йил давомида бошқарди.