Angliya chempionatining o‘n birinchi turi “Brentford” – “Brayton” uchrashuvi bilan boshlandi va unda Tomas Frank shogirdlari Ivan Tonining ikkita goli evaziga g‘alaba qozonishdi. Bu “Brayton”ning yangi ustozi, italiyalik taniqli mutaxassis Roberto de Dzerbi uchun uchinchi o‘yin bo‘ldi, biroq, u hozircha bitta ham o‘yinda g‘alaba qozona olmadi.
Ma’lum bo‘lishicha, de Dzerbi 1987 yildan beri klub boshqaruvidagi dastlabki uchta o‘yinning bittasida ham g‘alaba qozona olmagan birinchi "Brayton" murabbiyiga aylandi. O‘shanda Barri Lloyd o‘z ishini xuddi shunday muvaffaqiyatsiz boshladi - lekin yakunda u jamoani olti yil davomida boshqardi.