“Манчестер Юнайтед” ҳужумчиси Криштиану Роналду 17 октябрь, душанба куни "Шатле" театрида (Париж) бўлиб ўтадиган “Олтин тўп”ни топшириш маросимида иштирок этиши мумкин, деб хабар беради Le Parisien нашри.
Машҳур ҳужумчи охирги марта ушбу тадбирга беш йил аввал ташриф буюрганди ва ўшанда ушбу совринни қўлга киритганди.
37 ёшли португалиялик футболчи 5 марта “Олтин тўп”ни қўлга киритган. Криштианунинг асосий рақиби Лионель Месси бу совринни етти марта олган.
Мадриднинг “Реал” клуби ҳужумчиси Карим Бензема 2022 йилда ушбу совринга асосий даъвогар сифатида кўрилмоқда. Ўтган мавсумда ҳужумчи "Реал" билан Чемпионлар лигасида ғолиб чиқди, шунингдек, Примьера, Испания Суперкубоги ва УЕФА Суперкубогини қўлга киритди.
