"Реал" бош мураббийи Жозе Моуриньо жаоанинг 2012-13 мавсуми учун учинчи дарвозабонни танлади, бу - Хесус Фернандес Кольярдо, дея хабар беради испан матбуоти.
Таъкидлаш жоиз, Хесус ўтган мавсумда клубнинг бош жамоаси билан мунтазам шуғулланган ва иккинчи дивизионга йўлланмани қўлга киритган "Кастилия" жамоаси дарвозасини қўриқлаган. Айнан "Кастилия"даги ўйини сабаб Моуриньо уни таркибга жалб этди.
Эслатиб ўтамиз, "қироллик" клубининг иккинчи дарвозабони Антонио Адан ҳисобланади. У ўйин амалиётига эга бўлмаётгани учун бир неча марта "Реал"ни тарк этиш фикрида эканлигини айтган. Аммо ўйинчининг "Реал" билан шартномаси амалда.