"Манчестер Юнайтед" бош мураббийи вазифасини бажарувчи Даррен Флетчер тайинловдан сўнг сэр Алекс Фергюсонга қўнғироқ қилганини тан олди.
41 ёшли шотландиялик Рубен Аморим истеъфога чиқарилгач, жамоани бошқарадиган бўлди. Клуб душанба куни португалиялик истеъфога чиқарилгани ҳақида хабар берди.
- Сэр Алекс билан муносабатларимиз жуда яхши, тайинланганимдан кейин биринчи бўлиб унга қўнғироқ қилдим. Мен учун унинг дуосини олиш, фикрини, далда сўзларини эшитиш муҳим эди. У айнан мен доим айтадиган гапни айтди: "Манчестер Юнайтед"да ишлаётганингда, вазифанг - клуб учун қўлингдан келганини қилиш," - деди Флетчер матбуот анжуманида.
Чоршанба куни "МЮ" Премьер-лига доирасида сафарда "Бёрнли"га қарши баҳс олиб боради.
