Россия антидопинг агентлиги (РУСАДА) ижрочи директори Никита Камаев "Крилья Советов" ҳужумчиси Сергей Корниленко билан боғлиқ вазиятни шарҳлаб ўтди.
Баҳор фаслида футболчининг қонида допинг топилган эди.
- Яқин кунларда Корниленко бўйича РУСАДАнинг қарори қабул қилинади. Ҳозир шуни айтишим мумкинки, футболчининг хавотирига ўрин йўқ. У организмига таъқиқланган модданинг ўз ихтиёрисиз тушиб қолганини исботлади.
- Яъни? Таъқиқланган модда қандай қилиб унинг организмига тушиб қолган?
- Афсуски, жамоа шифокори бир номдаги дори воситасини чет элдан харид қилган. Россияда бу дори воситаси рўйхатга олинган ва таркибида таъқиқланган моддалар йўқ. Чет элдан харид қилган шу номдаги дори воситасида эса таъқиланган модда бор бўлган. Бу шифокорларни янада диққат-эътиборлироқ бўлишларига чақиради, - дея Корниленконинг сўзларини келтиради "Советский спорт".
