"Реал" президенти Флорентино Перес Мадрид клуби яна бир бор "ПСЖ"нинг 23 ёшли франциялик ҳужумчиси Килиан Мбаппега қизиқиш билдираётгани ҳақидаги миш-мишларга жавоб берди.
“Мбаппе ҳақидаги миш-мишлар? Йўқ, мен бундан чарчамадим, чунки бундай хабарларни ўқимайман ҳам. "Реал"нинг ажойиб келажаги бор. Винисиус ва Родриго энг яхши футболчилар. Келажакда улар "Олтин тўп"ни қўлга киритишлари мумкин", - дея Переснинг сўзларини келтиради Lens.
Мбаппе жорий мавсумда "ПСЖ" сафида барча турнирларда 14 та ўйинда майдонга тушиб, 12 та гол урди ва 1 та голли узатмани амалга оширди. Унинг клуб билан шартномаси 2025 йилнинг 30 июнига қадар тузилган ва трансфер нархи 160 миллион еврога баҳоланган.
