Испаниянинг “Барселона” клуби бош мураббийи Хави Мюнхеннинг “Бавария” жамоаси бош мураббийи Юлиан Нагельсманнинг каталониялик ярим ҳимоячи Гавининг йилнинг энг яхши ёш футболчиси совринини олгани ҳақидаги сўзларига изоҳ берди.
"Гави қўлга киритган мукофот? Мутлақо муносиб, фурсатдан фойдаланиб, уни, Левандовски ва Алекция Путельясни табриклайман. Нагельсманн? Ҳар ким фикр билдириш ҳуқуқига эга. Ҳозирда биз жамоавий совринларга интиляпмиз”, - деди Хави "Вильярреал"га қарши ўйин олдидан ўтказилган матбуот анжуманида.
Гави France Football талқини бўйича йилнинг энг яхши ёш футболчиси совринини қўлга киритди. “Бавария” бош мураббийи бу совринга жамоаси футболчиси Жамол Мусиала ва Дортмунднинг “Боруссия” клуби ярим ҳимоячиси Жуд Беллингем муносиброқ эканини айтди.
