Биринчи даврада "Андижон" клубида фаолият олиб борган Владимир Шишелов "Насаф" клуби машғулотларига қўшилган деб хабар тарқатмоқда championat.uz сайти. Биз сайтимиз орқали ҳам бу трансферни амалга оишиши мумкинлиги ҳақида хабар тарқатган эдик.
“Насаф” сафида биринчи даврада ҳаракат қилган ва кейинги пайтларда майдонда кўринмай қолган, ОФК кубоги ғалабасига ўзининг муносиб ҳиссасини қўшган Илҳом Шомуродовга клуб томонидан "ўзингга бошқа жамоа топ" - деб айтишган. Шунинг учун Илҳом Шомуродов ўзига биринчи бўлиб, қизиқиш билдирган "Бунёдкор" жамоаси кўригига борган, аммо Илҳомни шу йил мавсум бошида "Насаф" футбол клуби билан тузилган "1+1" шартномаси мавжуд, агар Илҳом "Бунёдкор" жамоаси билан келишувга эришган тақдирда ҳам у "Насаф" клубига тегишли бўлиб, ижара асосида тўп тепади.
Энди албатта ҳужум чизиғига бошқа ўйинчи керак бўлади, ана шу мақсадда аввал хабар бериб ўтганимиздек, ҳужум чизиғида бундан бўён Владимир Шишелов фаолият кўрсатиши мумкин. Ушбу хабаримиз ўз тасдиғини топган кўринади. Яна бир хабаримизга кўра "Насаф" клуби ҳозирги пайтда Қозоғистоннинг "Иртиш" клубида тўп тепаётган ҳужумчи Улуғбек Бақоевга қизиқиш билдиргани ҳақида хабар бериб ўтган эдик, ушбу хабар ҳозирча ўз тасдиғини топгани йўқ.
Шунингдек олган хабарларимизга кўра, "Насаф"нинг латвиялик легионери Андрей Переплёткинс ҳам бугун "Насаф" сафига қўшилади. У давралар оралиғидаги қисқа танаффусдан унумли фойдаланиб, кичик жароҳатдан сўнг тикланиш жараёнини олиб борган.
Биз кутган ва кутмаган "Насаф" жамоасидаги ўзгаришларга яқин кунларда аниқликлар киритила бошлайди. Воқеалар ривожини кутиб қоламиз. Сайтимиздан узоқлашманг.
