“Тоттенхэм” бош мураббийи Антонио Конте АПЛнинг 12-тури доирасидаги “Манчестер Юнайтед”дан учралган мағлубиятдан (0:2) сўнг футболчилари қўрқиб кетганини тан олди.

“Биз бироз қўрқиб кетдик. Менга ёқмади. Жадвалда жамоамиз яхши ўринда, аммо аҳмоқона пасларни ўтказиб юбормаслик учун ўйинни бошқача қуришимиз керак эди", - деди Конте Mirror билан суҳбатда.

Эслатиб ўтамиз, бу мағлубият “шпорлар”га Англия чемпионати турнир жадвалида “Манчестер Сити”дан ўзиб кетишга имкон бермади. “Тоттенхэм” ҳамон учинчи ўринда.

"Тоттенхэм" навбатдаги ўйинини 23 октябрь куни "Ньюкасл"га қарши ўтказади. Учрашув Тошкент вақти билан 20:30да бошланади.