Криштиану Роналду "Тоттенхэм"га қарши сўнгги ўйинда захирадан майдонга тушишдан бош тортди ва финал ҳуштаги чалингунча захира ўриндиғини тарк этиб, кийиниш хонасига йўл олди. Футболчи ушбу нопрофессионал ҳаракати учун асосий таркибдан четлатилди. Ҳаммаси Роналдунинг яқин келажакда "МЮ"ни тарк этишига боғлиқ.

Mirror нашри хабарига кўра, Криштиану Роналду МЛСда ўйнаётган "Интер Майами" билан шартнома имзолаши мумкин. Яқинда бу клуб Гонсало Игуаинсиз қолди, чунки, аргентиналик футболчи фаолиятини якунлади. Энди "Интер" бошқа юқори даражадаги ҳужумчи изламоқда ва Роналду унга тўлиқ мос келиши мумкин.