"Тоттенхэм" бош мураббийи Антонио Конте ҳужумчи Деян Кулушевскининг жароҳатидан тикланиши ҳақида гапирди.
"Ўйлайманки, биз уни сафимизда кўриш учун бироз кутишимиз керак. Мен хавотирдаман, чунки унинг тузалиши яхши кетаётган эди, кейин эса ёмонлашди. Бу вақт талаб этади, аммо бизнинг тиббиёт ходимларимиз вазиятни тезда ҳал қилишга ҳаракат қилишлари керак, чунки бу бизнинг очко йўқотишимизга таъсир қилиши мумкин”, деди Конте ўз баёнотида.
22 ёшли швед сентябрь ойида терма жамоа жойлашган жойда жароҳат олган эди.
