"Манчестер Юнайтед" португалиялик ҳужумчи Криштиану Роналду билан шартномани бекор қилмоқчи эмас. Бу ҳақда инсайдер Флориан Плеттенберг ижтимоий тармоғида хабар берди.
Аввалроқ, "Манчестер Юнайтед" португалиялик ҳужумчини 22 октябрь, шанба куни бўлиб ўтадиган "Челси" билан Англия Премьер-лигасининг 13-тур ўйини учун қайдномага киритмасликка қарор қилганди. Бош мураббий Эрик тен Хагнинг Роналдуни таркибдан четлаштиришига сабаблардан бири португалияликнинг “Тоттенхэм”га (2:0) қарши ўйиндаги ҳаракати бўлиши мумкин. Захира ўриндиғида ўтирган Роналду ўйин тугашини кутмасдан аввал захира ўриндиғини, кейин эса стадионни тарк этди.
