"Рома"нинг ҳужумкор ярим ҳимоячиси Николо Дзаньоло Европа лигасининг қўшимча иккита ўйинига дисквалификация қилинди, деб хабар беради La Gazette Dello Sport.

Дзаньоло "Рома"нинг "Бетис"га қарши Европа лигаси 3-тури доирасидаги уй учрашувида тўғридан-тўғри қизил карточка олди. Италиялик футболчи испан клуби билан жавоб ўйинида ўйнамай, дисквалификацияни ўтаб бўлди. Аммо энди ярим ҳимоячи қўшимча равишда икки ўйинга дисквалификация билан жазоланди, шу сабабли у бошқа турнирнинг гуруҳ босқичида ўйнай олмайди. Дзаньоло Болгариянинг "Лудогорец" ва Хельсинкининг ХИК жамоалари билан ўйинларни ўтказиб юборади.

Италиялик ярим ҳимоячи турнирнинг иккита учрашувида қатнашиб, битта голли узатмани амалга оширди.