"Бавария" бош мураббийи Юлиан Нагельсманн Бундеслиганинг 11-турида "Хоффенхайм" устидан қозонилган ғалаба (2:0) ҳақида фикр билдирди.

“Бугунги ўйиндан жуда мамнунман. Ўйин осон кечмади. Бу биз хоҳлаган жой сари яна бир қадамдир. Биз биринчи бўлимда катта иштиёқ билан ўйнадик, ўйлайманки, дуелларнинг 71 фоизида ғалаба қозондик, бу жуда яхши. Биз 4-5 та гол уришимиз мумкин эди. Иккинчи бўлимда эса “Хоффенхайм” кўпроқ таваккал қилиши ва янада юқорироқ ҳимояланиши аниқ эди. Биз бироз секинлашдик, бу жуда тушунарли, чунки биздан олдинда “Барселона” ва “Майнц” каби рақиблар бор. Бу етук ўйин ва ҳақли ғалаба бўлди", - дея Нагельсманн сўзларини келтирмоқда Bayern & Germany.

"Бавария" 22 очко билан Германия чемпионати турнир жадвалида иккинчи ўринда бормоқда.