"Bavariya" bosh murabbiyi Yulian Nagelsmann Bundesliganing 11-turida "Xoffenxaym" ustidan qozonilgan g‘alaba (2:0) haqida fikr bildirdi.

“Bugungi o‘yindan juda mamnunman. O‘yin oson kechmadi. Bu biz xohlagan joy sari yana bir qadamdir. Biz birinchi bo‘limda katta ishtiyoq bilan o‘ynadik, o‘ylaymanki, duyellarning 71 foizida g‘alaba qozondik, bu juda yaxshi. Biz 4-5 ta gol urishimiz mumkin edi. Ikkinchi bo‘limda esa “Xoffenxaym” ko‘proq tavakkal qilishi va yanada yuqoriroq himoyalanishi aniq edi. Biz biroz sekinlashdik, bu juda tushunarli, chunki bizdan oldinda “Barselona” va “Mayns” kabi raqiblar bor. Bu yetuk o‘yin va haqli g‘alaba bo‘ldi", - deya Nagelsmann so‘zlarini keltirmoqda Bayern & Germany.

"Bavariya" 22 ochko bilan Germaniya chempionati turnir jadvalida ikkinchi o‘rinda bormoqda.