"Рома" бош мураббийи Жозе Моуриньо Италия чемпионати 11-тур учрашувида "Наполи" ҳужумчиси Хвича Кварацхелияни тўхтатиш учун нима қилиш кераклиги ҳақидаги саволга жавоб берди.
"Кварацхелияни тўхтатиш учун нима қиламан? Ҳеч нарса... Энг яхши ҳолатда, агар у югуриб ўтиб кетса, мен уни ортда қолдиришга ҳаракат қиламан", - дея Моуриньо сўзларини келтиради Football Italia.
Эслатиб ўтамиз, 11-тур доирасидаги "Рома" - "Наполи" учрашуви 23 октябрь куни бўлиб ўтади. Италия чемпионатининг жорий мавсумида Кварацхелия ўнта ўйинда қатнашиб, 5 та гол урди ва 3 та голли узатмани амалга оширди.
