"Манчестер Юнайтед" ҳужумчи Криштиану Роналдуни бошқа жамоага текинга қўйиб юборишга тайёр, деб хабар беради The Athletic.
Шу билан бирга, "Манчестер Юнайтед" 37 ёшли ҳужумчи билан шартномани товон пули тўлаган ҳолда бекор қилишни режалаштирмаяпти.
Португалиялик футболчи 2021 йилнинг августида "Манчестер Юнайтед"га ўтган эди. Унинг инглиз жамоаси билан шартномаси 2023 йилнинг июнигача мўлжалланган. Transfermarkt портали футболчининг нархини 20 миллион еврога баҳоламоқда.
Роналду АПЛнинг 12-туридан ўрин олган “Тоттенхэм”га (2:0) қарши ўйиннинг сўнгги ҳуштаги янграмасидан олдин захира ўриндиғини тарк этди, сўнг стадионни тарк этди. Ўйиндан сўнг португалиялик футболчи жамоавий машғулотлардан четлаштирилди ва 900 минг евро (икки ҳафталик маош) миқдорида жаримага тортилди.
