"Барселона"да ҳали ҳам Чемпионлар лигасидаги кейинги икки ўйини учун мотивация бор.
Жамоа Европа лигасига тушиб кетиш эҳтимоли юқори бўлса-да, "кўк-анорранглилар" "Виктория" ва "Бавария"га қарши қолган ўйинларда ғалаба қозонишса, 5 миллион евро ишлаб олиши мумкин. Бу ҳақда Sport нашри хабар бермоқда.
Эслатиб ўтамиз, эртага "Интер" "Виктория" устидан ғалаба қозонса, "Барселона"да "Бавария" билан ўйинда мотивацияси қолмайди. "Нерадзуррилар" ўйини Тошкент вақти билан 21:45да бошланади, шунинг учун унинг якунида гуруҳдаги барча жамоаларнинг тақдирини ҳал қилиш мумкин.
