Томас Мюллер ўзининг ижтимоий тармоқдаги саҳифасида жамоа Чемпионлар лигаси доирасидаги "Барселона"га қарши сафар ўйинига етиб келганидан сўнг видео жойлаштирди. Видеода мюнхенликлар жамоасининг бир нечта футболчилари Роберт Левандовскига мурожаат қилишди.
"Лева, биз келяпмиз", - бу иборани биринчи бўлиб Мюллернинг ўзи, кейин Марсель Забитцер ва Йосип Станишичлар айтишди.
Эслатиб ўтамиз, Роберт Левандовски ёзги трансфер ойнасида "Бавария"дан "Барселона"га ўтган эди.
"Барселона" ва "Бавария" ўртасидаги Чемпионлар лигаси гуруҳ босқичининг 5-тур учрашуви 27 октябрь куни Тошкент вақти билан соат 00:00да бошланади.
