Дортмунднинг "Боруссия" клуби ҳужумчиси Себастьян Аллер майдонга қайтишга ва "Аякс" базасида машғулотларга тайёргарлик кўрмоқда, деб хабар беради ESPN.
28 ёшли ивуарлик футболчи 6 июль куни "Аякс"дан Дортмунднинг "Боруссия"сига ўтган эди. Дортмундликлар унинг учун клуб рекорди - 35 миллион евро тўлаган.
Аммо ўша июль ойида футболчига саратон ташхиси қўйилган, у операция қилинган. Футболчи Амстердамда реабилитациядан ўтмоқда.
Форвард ўтган мавсумда “Аякс” сафида барча турнирлар доирасида 42 та ўйинда майдонга тушиб, 34 та гол урди ва 9 та голли узатмани амалга оширди. Аллер 2021/22 йилги Чемпионлар лигасида ҳам 11 гол билан тўпурарлар орасида учинчи ўринни эгаллади.
