Суперлига 23-туридан ўрин олган «Навбаҳор» – «Олимпик» (1:1) ўйинидан сўнг мезбонлар устози Самвел Бабаян биринчи бўлимда унинг жамоаси тўлиқ устунликка эришгани, ғалабага нима ҳалақит қилаётгани ва асосий футболчиларнинг ҳолати ҳақида фикр билдирди.

«Навбаҳор» иштирокидаги ўйинлар ҳеч кимни бефарқ қолдирмаяпти, дейиш мумкин. Афсуски, охирги ўйинларда кўп асабийлашаяпмиз ва бу ғалаба қозонишимизга ҳалақит қилаяпти.

Биринчи таймда тўлиқ устунлик қилдик, таймни 3:0 ҳисобидаги ғалаба билан якунлаб чиқиб кетишимиз керак эди. Афсуски, яна ўша вазиятлардан фойдалана олмаслик касаллиги ҳалақит қилаяпти. Футболчилар яхши ўйнашаяпти ва кўплаб вазиятлар яратишаяпти. Фақат якунлашда оқсаяпмиз. Таркибнинг асосини ташкил этувчи футболчиларнинг даражаси ҳозирда яхши.

Олдимизда яна тўртта ўйин бор. Кубок финали ва чемпионатнинг учта ўйини. Уларда мухлисларни хурсанд қилишга ҳаракат қиламиз. Яхши ўйин бошқа, аммо мухлисларга соврин олиб беришимиз учун натижа ҳам керак», — деди мезбонлар бош мураббийи.