"Манчестер Юнайтед" ҳимоячиси Люк Шоу жамоанинг янги футболчиси Тирелл Маласия ҳақида ўз фикрлари билан ўртоқлашди.
Шоу янги шериги билан яхши муносабатда бўлишини ва уни ҳар томонлама қўллаб-қувватлашини тан олди.
“Менга Тирелл жуда ёқади. Мен кийиниш хонасида ёнида ўтираман, у жуда яхши йигит ва ажойиб ўйинчи. У ўйнаганида, мен унинг жамоа учун қўлидан келган барча ишни қилишини истайман ва у ҳам менга нисбатан худди шундай ҳис-туйғуларга эга эканлигини биламан", - деди Шоу клуби расмий сайтига.
Эслатиб ўтамиз, Маласия ўтган ёзда Нидерландиянинг "Фейеноорд" жамоасидан 15 миллион евро эвазига "Манчестер Юнайтед"га ўтган эди. Жорий мавсумда 23 ёшли ҳимоячи “қизил иблислар” сафида 11 та ўйин ўтказиб, гол ура олмади.
