«Манчестер Юнайтед» клуби бош мураббийи Эрик тен Хаг ҳужумчи Криштиану Роналдунинг асосий таркиб машғулотларига қайтганига изоҳ берди.

«Биз барчасини муҳокама қилдик ва ҳамма масалани ҳал қилиб олдик. У битта ўйинни ўтказиб юбордик ва таркибга қайтди. Бу ерда ғайриоддий ҳеч нарса йўқ.

Бу вазиятга бошқа изоҳ бермаймиз. Эртага бизни муҳим ўйин кутиб турибди. Гуруҳда 1-ўринни эгаллашимиз керак.

Роналду билан яна гаплашишга ҳожат йўқ, аллақачон гаплашиб бўлдик ва у қайтди. У ўз эътиборини ўйинга қаратиши биз учун муҳим», – деди тен Хаг.

Роналду жорий мавсумда 12та ўйинда иштирок этиб, 2 гол ва 1 ассист муаллифига айланди.