“Наполи” ҳужумчиси Жованни Симеоне Чемпионлар лигаси гуруҳ босқичи 5-тури доирасида Шотландиянинг “Рейнжерс” клуби устидан қозонилган йирик ҳисобдаги (3:0) ғалабаси ҳақида фикр билдирди. Охирги учрашувда аргентиналик футболчи иккита гол урди.
"Ушбу ўйинда мен ҳар доим қилган ишни қилдим. Ажойиб кайфиятда майдонга чиқдим ва бундан завқ олдим. Майдонда қўлимдан келганини кўрсатмоқчиман. Ушбу жангдан сўнг менда ажойиб таассуротлар қолди", - деди ҳужумчи УЕФА матбуот хизматига.
Беш турда “Наполи” 15 очко жамғариб, гуруҳда пешқадамлик қилмоқда. Сўнгги турда неаполликлар “Ливерпуль” билан меҳмонда ўйнайди.
