Каталониянинг “Барселона” клуби спорт директори Матеу Алемани жамоанинг Чемпионлар лигасида гуруҳдан чиқа олмагани сабабларини тушунтириб берди. Энди "кўк-анорранглилар" кетма-кет иккинчи йил Европа лигасида ўйнашади.
"Биз гуруҳда ўйнашимиз керак бўлган жамоаларни синчиклаб ўрганиб чиқдик. Мюнхенда "Бавария"га қарши ўйинда мағлубиятга лойиқ эмасдик, аммо "Интер"га қарши ўйинда ҳакамнинг хатолари роль ўйнади. Бу ўйинлар гуруҳда муҳим ўрин тутди", - деди Алемани Barca Universal нашри билан суҳбатда.
Кеча "Барселона" ўз майдонида "Бавария"га йирик 0:3 ҳисобида мағлуб бўлди. Голларга Садио Мане, Эрик-Максим Чоупо-Мотинг ва Бенжамин Павар муаллифлик қилишди.
