"Арсенал" ҳужумчиси Габриэль Жезус ўзининг гавжум тақвими билан қандай курашаётгани ҳақида гапирди.

“Ўйинлардан кейин анча яхши тикланаман. Мен яхши овқатланаман, яхши ухлайман, "Арсенал"даги фаолиятимдан завқланаман. Шу боис, бир мавсумда камида 70 та ўйин ўтказишга тайёрман. Мен доим югураман ва курашаман. Ўйлайманки, мен жуда кўп энергияга эга ўйинчиман”, - дея Жезуснинг сўзларидан иқтибос келтиради GOAL.

25 ёшли бразилиялик футболчи жорий мавсумда “канонирлар” сафида АПЛда 11 та ўйинда майдонга тушиб, 5 та гол урди ва 4 та голли узатмани амалга оширди.