"Наполи" спорт директори Кристиан Гинтоли "Манчестер Юнайтед" ва "Бавария" клубларининг Виктор Осимхенга қизиқишлари ҳақида фикр билдирди.
"Осимхен? Биз футболчиларимизни сотмоқчи эмасмиз. Январь ойидаги трансфер ойнаси учун режаларимиз йўқ. Биз сотиш ёки сотиб олишни хоҳламаймиз. "Наполи" ҳозирги таркибни сақлаб қолмоқчи", - деди неаполликларнинг спорт директори.
Эслатиб ўтамиз, Осимхен жорий мавсумда Италия А Сериясининг 7 та ўйинида майдонга тушиб, тўртта гол урди ва битта голли узатмани амалга оширди. Ўтган ҳафта охирида нигериялик футболчи "Рома"га қарши сафарда ўз жамоасига ғалаба келтирди.
