Мадриднинг “Реал” клуби “Палмейрас”нинг 16 ёшли ҳужумчиси Эндрикни ўз сафига қўшиб олмоқчи, дея хабар бермоқда журналист Марио Кортегана ўзининг Twitter саҳифасида.
Манбанинг хабарига кўра, трансфер учун фақат "қаймоқранглилар" президенти Флорентино Переснинг розилиги керак.
Қайд этилишича, Мадриднинг “Реал” клуби футболчини 2024 йилда 60 миллион евро эвазига сотиб олишга ҳаракат қилади.
Эндрикнинг "Палмейрас" билан шартномаси 2025 йилнинг ёзига қадар амал қилади. Жорий мавсумда у клуб сафида 4 та ўйин ўтказиб, 1 та гол уриб, Бразилия чемпионати тарихидаги энг ёш гол муаллифига айланди.
