"Арсенал" ҳимоячиси, "Монца"да ижара асосида ўйнаётган Пабло Мари пичоқлаб кетилди.
Бу Милан чеккасида жойлашган Ассаго савдо марказида содир бўлди. Руҳий хаста эканлиги тахмин қилинаётган 46 ёшли эркак супермаркет жавонидан пичоқ олиб, мижозларга ҳужум қилди, натижада улардан камида иккитаси жиддий жароҳатланди, деб хабар беради Correira Della Sport.
Ҳужум натижасида жами 6 киши жароҳат олди, улар орасида Мари ҳам бор эди. Жароҳатланганлар вертолётда касалхонага етказилган. Бир киши, супермаркет кассири касалхонага олиб бориш пайтида вафот этди.
Мари ҳушида ва гапиряпти, унинг ёнига "Монца" бош директори Адриано Галлиани ва мураббий Раффаэле Палладино аллақачон ташриф буюришган.
