“Реал” ярим ҳимоячиси Тони Кроос ярим ҳимоячи Федерико Вальверде ҳақида фикр билдирди.

“Менга унинг ўйини доим ёққан. Унинг ўзига хос футболчига айланиши аниқ эди. Аввалига унга барқарорлик етишмади, лекин у доимо ривожланишга интилди ва мураббийлар ишончини қозонди.

У ажойиб формада ва бундай юқори савияда ўйнаган жамоада шундай ўйнашга арзийди. Бироқ, мен уни қандай формада бўлишидан қатъий назар, ажойиб футболчи деб биламан. У тўп билан жуда тез ишлайди, яхши пас беради, майдонни яхши кўради. Унинг зарбалари доим хавфли бўлган, энди у шунингдек гол ҳам урмоқда.

Ўйлайманки, у камида ўн йил давомида "Реал"да жаҳон даражасидаги футболчи бўлади. У - мукаммал футболчи. Мен унинг ашаддий мухлисиман”, деди Кроос.