Лондоннинг “Арсенал” клуби дарвозабони Аарон Ремсдейл Европа лигаси гуруҳ босқичининг 5-тур учрашувида “ПСВ” клубидан учралган мағлубиятдан (0:2) кейинги фикрлари билан ўртоқлашди.
"Биз одатдаги футболимизни намойиш эта олмадик. Жамоа менинг хатоим туфайли битта гол ўтказиб юборди. 0:2 ҳисобидан ўйинни қайтариш - меҳмондаги ўйинда деярли амалга ошмайдиган вазифа. Энди биринчи ўринни қўлга киритишимиз учун сўнгги турда ғалаба қозонишимиз керак. Эътиборимизни шу нарсага қаратганмиз. Келинг, бу мағлубиятдан сабоқ олиб, кучлироқ бўлиб қайтайлик", - деди Ремсдейл УЕФА матбуот хизматига.
Сўнгги тур олдидан Микель Артета шогирдлари 12 очко билан ўз гуруҳида пешқадамлик қилмоқда.
