Ўзбекистон миллий терма жамоасининг собиқ футболчиси Жафар Ирисметов 21 ёшли ярим ҳимоячи Остон Ўруновнинг “Урал”дан кетиши сабаблари ҳақида гапирди.
Эслатиб ўтамиз, Ўрунов 25 октябрь куни Екатеринбург клуби таркибида атиги учта учрашув ўтказган ҳолда тарк этган эди.
Ирисметовнинг фикрича, футболчининг "Урал"да ўз ўрнини эгаллашига унинг қийин характери тўсқинлик қилган.
"Мен аллақачон айтдимки, у бироз оғир характерга эга. Улар мураббий билан зиддият борлигини ёзишган. Бу тўғрими ёки йўқлигини билмайман, лекин Остонни билар эканман, шундай деб тахмин қилишим мумкин. Агар унинг ўйин амалиёти кам бўлса, мураббий билан зиддиятга боради", - деди Ирисметов Metaratings билан суҳбатда.
Ўрунов “Урал”дан ташқари “Уфа” ва “Спартак” клубларида ҳам тўп сурган. Ярим ҳимоячи ҳозирча клубсиз.
