"Манчестер Юнайтед" бош мураббийи Эрик тен Хаг дербида "Манчестер Сити"га (3:6) йирик ҳисобдаги мағлубиятдан сўнг жамоасининг ўйини ҳақида гапирди. Ўшандан сўнг “қизил иблислар” бешта ўйинда ғалаба қозониб, икки бор дуранг ўйнади.
“Жамоа ўша учрашувдан сабоқ олди. Ўша учрашувда биз ўз қоидаларимиз, тамойилларимиз ва эътиқодларимизни унутдик. Бунинг учун биз тўлиқ ҳақ тўладик.
Агар “Сити”дек рақиб билан ўйинда ўйинчилардан бири хатога йўл қўйса, ҳаммаси издан чиқа бошлайди. Бу карталар уйини вайрон қилиш каби. Биз келажак учун яхши сабоқ олдик. Бундай кунларни бошқа бошдан кечиришни истамаймиз", - дея хабар беради клуб матбуот хизмати.
"Манчестер Юнайтед"нинг навбатдаги ўйини 30 октябрь куни "Вест Хэм"га қарши бўлади.