La Gazzetta Dello Sport хабарига кўра, Стефано Пиоли ва Оливье Жиру "Милан"да камида яна икки йил қолади, уларнинг шартномалари 2024 йилгача узайтирилади. Мураббий билан янги шартнома Қатардаги жаҳон чемпионати вақтида, Жиру билан мундиалдан кейин имзоланади.
Пиоли клуб билан 2019-йил октябрь ойидан бери ишлайди, унинг қўл остида “Милан” аввалига Италиянинг топ-клублар сафига қайтди, сўнгра ўтган мавсумда, 2021 йилнинг ёзида Жиру келганидан сўнг, Италия чемпиони бўлди.
Жорий мавсумда “Милан” ўн бир турдан кейин “Наполи”дан 3 очко ортда қолиб, турнир жадвалида иккинчи ўринда бормоқда.
