Россия терма жамоаси ҳужумчиси Павел Погребняк янги мавсумда "Рединг" таркибида тайёргарлик кўраётганини сўзлаб юерди.
- Мени клубда ажойиб тарзда қабул қилишди. Бир ўйинчининг рус тилида сўзлаша олиши янада зўр бўлди - бу Латвия терма жамоаси ҳимоячиси Каспар Горкш. У менга ёрдам беряпти, биз бир хонада истиқомат қиляпмиз. Албатта, мураббий хонада русчи гаплашишни дарҳол таъқиқлаб қўйди.
Жамоага янги қўшилган ҳар бир ўйинчи қандайдир қўшиқни айти бериши шарт экан, шуниси ёқмай турибди. Кечки овқатдан сўнг ўзимни қўшиқчи ролида синаб кўришим керак экан, аввал сира қўшиқ айтмаганман. Кеч тушишини хафвсираб кутяпман...
Муаммо шундаки, қўшиқни инглиз тилида ижро этиш керак. Балки, "Битлз"дан бирон нарса куйлаб берарман. Ҳозир матнни ёдлаб, тайёргарлик кўряпман. Хурсанд қиладигани - жамоада мендан ташқари 5та янги футболчи бор. Шунинг учун кечки овфатдан сўнг ҳақиқий концерт бўлади", - дейди Погребняк "Советский спорт" нашрига.