"Барселона" ҳужумчиси Лионель Месси собиқ бош мураббий Пеп Гвардиоланинг клубдан кетгани ҳақида афсус билан гапирди.
Аргентиналик футболчи Гвардиола қўл остида жуда катта ўсишга эришганини тан олди.
"Гвардиоланинг кетиши "Барса" ўйинчилари учун қаттиқ зарба бўлди. Мен унинг қўли остида барча совринларни ютдим. Айтиш мумкинки, футбол дунёсини забт этдим. Аммо у шундай қарорга келдики, бунга кўнмасдан иложимиз йўқ", - дейди Месси.
Жамоа етакчиси ҳақида у шуни қўшимча қилди: "Жамоа етакчиси бизда мураббий ҳисобланади. Биз, ўйинчилар майдонда нима қилишни яхши биламиз. Майдондан ташқарида ҳар хил масалалар билан шуғулланувчи инсонлар бор. Биз бунга аралашмаймиз".