"Ливерпуль" бош мураббийи Юрген Клопп АПЛнинг 14-тури доирасида "Лидс"дан мағлуб бўлганидан сўнг (1:2), Англия чемпионатининг жорий мавсуми якунлари бўйича мерсисайдликларнинг Чемпионлар лигаси зонасига чиқа олмаслиги ҳақида гапирди.
“Аслида бу мени ташвишга солаётгани йўқ, чунки бошқа кўплаб ташвишлар бор, лекин, албатта, мен ҳеч бўлмаганда, тафовут ва турнир жадвалида ким етакчи эканлигини билмайдиган даражада аҳмоқ эмасман.
Ҳозиргидек ўйнасак, Чемпионлар лигасига чиқа олмаймиз. Биз буни тузатишимиз керак, кейин ҳаммаси қандай тугашини кўрамиз”, деди Клопп ўйиндан кейинги матбуот анжуманида.
Ўтказилган 12 ўйиндан сўнг "Ливерпуль" 16 очко тўплади ва тўртинчи ўриндан 8 очко ортда қолган ҳолда АПЛ турнир жадвалининг тўққизинчи поғонасида жойлашган.
