"Liverpul" bosh murabbiyi Yurgen Klopp APLning 14-turi doirasida "Lids"dan mag‘lub bo‘lganidan so‘ng (1:2), Angliya chempionatining joriy mavsumi yakunlari bo‘yicha mersisaydliklarning Chempionlar ligasi zonasiga chiqa olmasligi haqida gapirdi.
“Aslida bu meni tashvishga solayotgani yo‘q, chunki boshqa ko‘plab tashvishlar bor, lekin, albatta, men hech bo‘lmaganda, tafovut va turnir jadvalida kim yetakchi ekanligini bilmaydigan darajada ahmoq emasman.
Hozirgidek o‘ynasak, Chempionlar ligasiga chiqa olmaymiz. Biz buni tuzatishimiz kerak, keyin hammasi qanday tugashini ko‘ramiz”, dedi Klopp o‘yindan keyingi matbuot anjumanida.
O‘tkazilgan 12 o‘yindan so‘ng "Liverpul" 16 ochko to‘pladi va to‘rtinchi o‘rindan 8 ochko ortda qolgan holda APL turnir jadvalining to‘qqizinchi pog‘onasida joylashgan.
