"Барселона" ҳужумчиси Роберт Левандовски Каталония клубидаги ҳолати ҳақида гапирди.
"Барселона"даги биринчи мавсум осон бўлмаслигини билардим, аммо бу мағлубиятлар жамоага тажриба беради. "Барселона"га вақт керак.
Мен бу ерда жуда бахтиёрман, чунки "Барселона"да ўйнаш - бу орзу. "Камп Ноу"га кирганингизда ва бутун стадион сизнинг номингизни куйлаётганда, бу шунчаки сеҳрли бўлади", - деди Левандовски La Vanguardia билан суҳбатда.
Эслатиб ўтамиз, ёзги трансфер ойнасида Роберт Левандовски "Бавария"дан "Барселона"га ўтган эди. Польшалик ҳужумчи каталонияликлар сафида 17 та учрашувда 18 та гол урди ва 4 та голли узатмани амалга оширди.
