Мадриднинг "Реал" клуби фахрий президенти Альфредо ди Стефано жамоа яримҳимоячиси Месут Ўзил шаънига илиқ гаплар айтди, дея хабар беради испан матбуоти.
Ди Стефанонинг фикрича, Германия терма жамоаси ўйинчиси бундан ҳам яхшироқ ўйнай олади.
"Ўзил - ҳақиқий феномен. Аммо мен унинг янада яхшироқ ўйнашини истардим, у бунга қодир. Яна шуни таъкидлаш керакки, жамоанинг асосий фигураси - бу жамоанинг ўзидир. Ҳеч қайси ўйинчи бутун бир жамоадан афзал эмас. Футбол - жамоавий ўйин. "Реал"га келсак, у ҳаммани енгишга тайёр" - дейди Ди Стефано.
